محاورة على ضوء القمر

[عبدالله الحميد]

بسم الله الرحمن الرحيم

الاخوة الشعراء

السلام عليكم ورحمة الله وبركاته

اعلامنا خير وصلاة على النبي

عاد انا تغيبنا عنكم لفتره طويلة ونعتذر عن هذا الغياب

احببت ان تكون اولى مشاركاتي معكم في هذه الصفحة بهذه البيتين

فتقبلوها كما هي

هذا وسلامتكم.....



يوم القمر ضاح لي من ضوّه انواره=والنجم في منزله متعلي (ن) عالي
قلنا نسلّم على المجلس وشعّاره=من بعد غيبه طويله حطّت ارحالي

[ابو علي]

حياك الله واعلامك وماتقفا بها اعلامك الا بكل خير ...
عاد انت غبت عنا ولا ندري عنك ولا افتقدنك لان ابو احمد ابو انس غطو عليك هههههه

صح لسانك ولاهنت والله يحيك يالغالي ...
اسف علي الرد في قسم المحاورة توني أنتبه ...

[عبدالرحمن الزهراني]

السلام عليكم ورحمة الله وبركاته
مرحبا مليون بالغايب الحاضر اخي عبدالله الحميد الحمد لله على السلامه والله يحييك ...


ودي تبرر غيابك وش هي اسراره = ليه غبت عنا وحنا عنك ناسالي
وان كان ما للغياب اسباب واعذاره = تراك ملزوم في شرعي وموالي

[عبدالله الحميد]

الله يبقيكم ويغليكم

الاخ ابو علي مداخلتك على العين والراس

والشاعر القدير صليب الراس تشرفت بوجود ردك

واستلم...... الله يعين عليك.....

حياك ياشاعر(ن) ينهاب مقداره=له فـ المواقف مواقيف ومثّالي
ان كان بستان عرفك هذي اثماره=بالله لاتقطف الا الطيب الحالي

[شخص ثاني]

حي الله الشاعر الكبير

مرحبا الوووووووف بالحبيب الغالي عبدالله

بصراحه فاقدينك وفاقدين مشاركاتك الراقيه

[عبدالرحمن الزهراني]

مرحبا ومسهلا
الله يحييكم جميعا

واستلم .. يا صاحبي

الحب فيه العنا والنفس محتارة = والذيب يرقب وعن نظرته نحتالي
لا تكثر البعد ما للشوق كفاره = لو تقضي العمر كله في الخلا الخالي

[القاااسي]

سلام عليكم
اليوم شفت المحاوره واعجبتني ومبداها جميل
حبيت اشارك معكم اذا سمحتوا اشوفكم تأخرتوا
واستلم يا عبدالله الحميد





يخــونـــك الحــــظ والايـــام غـــداره ======والا انت شاعر وليده يابعد حالي
دور على ليلة(ن) ظلما وهب شاره====== جهالها تكتفي في شور عقالـــي

[الرايق]

توقفت أمام هذا الجمال لتسجيل أعجابي
مبدعين ياشعراء المنتدى

[عبدالله الحميد]

حياك الله يالقاسي

وأعتذر عن انقطاعي عنكم لظروف خاصة وبعدي عن المنتدى

أسمع ردي


نمشي مع العرف في ورده ومصداره = لو كان في غبتك يا بحر الاهوالي

والعظم نعرف لكسارة وجبارة = وأنا بعد في معاني العرف حلالي

[عبدالله الحميد]

السلام عليكم ورحمة الله وبركاته

أسمع ياصليب الراس


إن كان تبغى العلوم وتبغي أبشارة = فالنمر له بطشته والذيب ختالي

والحظ مقسوم والأيام دوارة = يزين حظ الفتى وأحيان ميالي

[سعيد الحميد]

الله يعطيكم العافيه وعلى القوة

متابعين لكم

[القاااسي]

ياسلام يا عبدالله عز الله انك شاعر

دوب شفت الرد والسبب انت تجي شهر وتغيب دهر

دقيقتين وراجع خلك قريب

[القاااسي]

بنطيح المايله ونميل القاره =الشين شين(ن) على اسمه والحلو حالي

بغيت انا منفعه ياخي وجت ضاره = اللي على بالكم كم له على بالي

[عبدالله الحميد]

مرحبا يالقاسي

بمشي معا اللي بها الأقدام سيارة = يا صاحب العرف جاء للعرف رجالي

الحرب معروف لاما دق مزماره = في المواقيف لك جال (ن) ولي جالي

[عبدالرحمن الزهراني]

الله يحييك يابو ليان والحمد لله على السلامه


حياك يا راعي المقناص واسفاره = علمك وفايه ولك في الطيب مدهالي
تجيبها وافيه .. دانه ومحاره=ولك الصداره جبا والمركز العالي

[عبدالله الحميد]

ما عليك زود

نعزف على الجرح ونغني على اوتاره=ونعود للسالفه.. يالطيب الغالي
لو يفطم الشوق (عناقن) وصبّاره!!= لارتحت وارتاحوا احبابي وعذّالي

[عبدالرحمن الزهراني]

مرحبا ابو ليان ...


الشوق حبل الوصل والبعد (غداره)= من سلها لا يلوم الوقت من تالي
يصبر على جمرته ما دام من ناره = ولا يكثر اشكاه في ادباره والاقبالي

[عبدالله الحميد]

المعذرة على التاخير
نمد حبل الرجاء بالله واقداره=ونصبر الين الفرج ياتي به الوالي
واذا اعذب الشعر جيت آخذه باوزاره=فان اعذب الشعر صدقه نسج وخيالي

[عبدالرحمن الزهراني]

حياك الله ابو ليان ...


يا صاحبي والحروف تصاغ بمهاره=لولا اختلاف القلوب لبارت اجيالي
والصبر طب القلوب وحصن لسواره=لا صار من تعشقه بالطرف قتالي

[عبدالله الحميد]

بسم الله الرحمن الرحيم

الشكر والتقدير لكل من مرّ على هذه الصفحة بالمشاركة والاطلاع

وكل الشكر لشاعرنا القدير

صليب الراس

ونختم بالصلاة والسلام على رسول الله.

لكم سلامي وتقديري